AN ARDOYNE girl who died suddenly earlier this month will be remembered by her family as the "comedian of the room".

BBC Ulster performed an interesting experiment on Thursday night’s The View in an attempt to test the contention of new Taoiseach Simon Harris that young people in Cork know Berlin and Paris better than they know Belfast and Derry.

DUAL language street signs which had been vandalised on the Lisburn Road this week have been swiftly replaced with new signs. 

OVER £50,000 has been raised in the past 24 hours to support a charity helping to repatriate the body of West Belfast man Ryan Straney.

Tá an tEarrach agus dóchas linn ar bhealach ar na mallaibh. Tá an lá ag dul chun síneadh mar a deir Raifteirí….ach cá bhfuil an ghrian? Tá na feirmeoirí ag tógáil na ceiste céanna! Tagann borradh faoi imeachtaí taobh amuigh nuair a bhíonn an aimsir níos fearr.  Bíonn cluichí CLG faoi bhláth fosta comórtais bheaga, féilte, sraitheanna, coirn, laethe spraoi. Dár ndóighe, tá na Craobhacha Cúige faoi lán seoil agus Craobh na hÉireann ar ais! Bíonn na reathaithe ag cur an dlaoí mhullaigh ar a bplean traenála agus an maratón ag teannadh linn, bíodh sin an rás sealaíochta, an tsiúlóid, leath-mharatón nó an t-iomlán léir 26.2 míle do na luthchleasaithe aclaí nó mire!  Sin ceart 26.2 míle agus bíonn an 0.2 sin dúshlánach i ndiaidh 26 bheith slánaithe agat! Bíonn sraitheanna agus coirn sacair ag teacht chun críche ar bhonn áitiúla, náisiúnta agus idirnáisiúnta. Bíonn an t-am seo thar a bheith gnóthach ag an imreoir amaitearach a bheadh ag imirt oíche Mháirt, ansin oíche Dhéardaoin agus tráthnóna Sathairn in amannta leis an tsraith a chríochnú. Tá lucht Cliftonville ag dúil go mór le Cluiche Ceannais Chorn na hÉireann a bheas ann ar ball…. Ag cleachtadh leo le hAmhrán na bhFiann! Bhuel, bíonn na scoileanna amhlaidh ag an am seo sa bhliain. Chomh gnóthach le bean ar lá aonaigh agus an aimsir mhaith agus na cluichí spóirt ag teacht go tréan agus go tiúbh. Déanann Cumann na mBunscoi obair na gcapall ag cur na gcluichí náisiúnta chun cinn fud fad na hÉireann. Foirne do chailíní agus do ghasúraí sa pheil, sa chamógaíocht agus san iomáint. Ar uairibh, bíonn deis ag páistí agus scoileanna áirithe páirt a ghlacadh sna cluichí leath ama ag Craobh na hÉireann! Samhlaigh sin agus tú deich mbliana nó aon bhliain d’aois! Bheifeá ar bis! Tarlaíonn, i mo bharúil féin, imeacht iontach speisialta sainiúil sna Gaelscoileanna in Aontroim thart fán am seo sa bhliain, gach bliain: Féile Peile na nGaelscoileanna. Thiocfadh a rá go bhfuil mé beagán claonta anseo, tá lámh agam leis an chomórtas seo, ach ar an láimh eile, is ábhar mór mórtais agus bróid atá ann.